ՊՍԺ-ի հարձակվող Լիոնել Մեսին ու պաշտպան Սերխիո Ռամոսը դեռ չեն ընկերացել՝ հաղորդում է Marca-ն՝ հղում կատարելով L’Equipe-ին:
Նշվում է, որ Փարիզ տեղափոխվելուց հետո Սերխիո Ռամոսը հասցրել է բավական ջերմ հարաբերություններ հաստատել ակումբի մի շարք ֆուտբոլիստների հետ, սակայն Մեսիի հետ դեռ չի ընկերացել, թեպետ չի կարելի ասել, թե նրանց հարաբերությունները վատ են:
«Չես կարող ուղղակի ջնջել կլասիկոների տասնամյա դիմակայությունը»,- պարզաբանել է իրավիճակին մոտ աղբյուրը:
Հիշեցնենք՝ Ռամոսը «Ռեալում» հանդես է եկել 2005-2021 թվականներին, իսկ Մեսին «Բարսելոնայում» ելույթ է ունեցել 2003-2021 թվականներին:
