Թուրքական «Գալաթասարայի» հարձակվող Մաուրո Իկարդին բաց կթողնի մրցաշրջանի մնացած հատվածը, հայտնում է ակումբի մամուլի ծառայությունը:

31-ամյա ֆուտբոլիստը «Տոտենհեմի» դեմ Եվրոպա լիգայի խաղում (3-2) վնասվածք էր ստացել և փոխարինվել էր:

Ավելի ուշ բժշկական հետազոտությունը պարզել էր, որ արգենտինացին կտրել է ծնկի խաչաձև կապանները:

Հիշեցնենք, որ Իկարդին ընթացիկ մրցաշրջանում «Գալաթասարայի» կազմում անցկացրել է 14 հանդիպում, դարձել է 6 գոլի և 2 ասիստի հեղինակ: