Իտալական «Միլանի» շվեդ հարձակվող Զլատան Իբրահիմովիչը հերքել է մամուլում շրջանառվող այն լուրերն, ըստ որի հունվարին կարող է ավարտել կարիերան:
«Հաճույք եմ ստանում ամեն օրվանից, քանի որ մտածում եմ, որ կարիերաս ավարտելուց հետո կարոտելու եմ ֆուտբոլը: Ես փորձում եմ երիտասարդ տղաների հետ մնալ նույն խաղամակարդակի վրա: Նրանք նույնպես քրտնաջան աշխատում են:
Չեմ պատրաստվում կարիերաս ավարտել հունվարին: Կխաղամ այնքան, որքան թույլ կտա մարմինս»,- Իբրահիմովիչի խոսքը մեջբերում է CNN-ը:
2021/22 մրցաշրջանում Իբրահիմովիչը «Միլանի» կազմում մասնակցել է 27 խաղի, խփել 8 գոլ, կատարել 3 գոլային փոխանցում:
