«Միլանի» ավագ խորհրդական Զլատան Իբրահիմովիչը խոսել է ակումբի նորեկ Ժոաու Ֆելիքսի տրանսֆերի մասին:
«Ֆելիքսի տրանսֆերն իրականացնելու համար 5 րոպե պահանջվեց։ Կոնսեյսաուն ցանկանում էր Ժոաուին տեսնել թիմում, և որոշեցինք վստահել նրան մեր ծրագիրը։ Բանակցությունները շատ արագ եղան»,- շվեդ ֆունկցիոների խոսքը մեջբերում է ինսայդեր Ֆաբրիցիո Ռոմանոն։
Հիշեցնենք, որ 25-ամյա Ֆելիքսը ձմեռային տրանսֆերային պատուհանի ժամանակ է Լոնդոնի «Չելսիից» տեղափոխվել «Միլան», որի կազմում 2 խաղում խփել է 1 գոլ։
