Իտալական «Միլանի» շվեդ հարձակվող Զլատան Իբրահիմովիչը հայտարարել է, որ, չնայած ծանր վնասվածքին, չի ցանկանում ավարտել ֆուտբոլիստի կարիերան։

«Ես շուտով կվերադառնամ։ Չեմ պատրաստվում ավարտել կարիերաս։ Ես կվերադառնամ ու չեմ հանձնվի»,- 40-ամյա շվեդ հարձակվողի խոսքը մեջբերում է La Gazzetta dello Sport-ը։

Իբրահիմովիչը ծնկի վիրահատության է ենթարկվել և շարունակում է վերականգնողական գործընթացը։ Սպասվում է, որ շվեդ հարձակվողը շարք կվերադառնա 2023 թվականի հունվարին։ Հուլիսին նա մեկ տարով երկարաձգել էր միլանյան ակումբի հետ գործող պայմանագրի ժամկետը։

«Միլանից» բացի, որտեղ նա խաղացել է նաև 2010-2012 թվականներին, Իբրահիմովիչը ելույթ է ունեցել «Մալմյոյում», «Այաքսում», «Յուվենտուսում», «Ինտերում», «Բարսելոնայում», ՊՍԺ-ում, «Մանչեսթեր Յունայթեդում» և «Լոս Անջելես Գելաքսիում»։