Ռուսաստանը ներկայացնող հայ թենիսիստուհի Էլինա Ավանեսյանը (67-րդ ռակետ) չկարողացավ հաղթահարել Հոնկոնգում մեկնարկած WTA-250 շարքի մրցաշարի առաջին շրջանի արգելքը:
21-ամյա թենիսիստուհին մրցեց աշխարհի 32-րդ ռակետ, չինացի Վան Սինյունի հետ և երկրորդ սեթում վնասվածքի պատճառով չկարողացավ շարունակել մրցախաղը։ Առաջին սեթում Սինյունը հաղթեց 6-2, իսկ երկրորդում Ավանեսյանը հրաժարվեց պայքարից 1-4 հաշվի ժամանակ։ Մրցախաղը տևեց 1 ժամ 14 րոպե:
Երկրորդ շրջանում Վան Սինյունը կմրցի իսպանացի Սառա Սորիբես-Տորմոյի ու Հոնկոնգը ներկայացնող Ու Հո-Չինգի դիմակայության հաղթողի հետ:
