Տափօղակով Հոկեյի Հայաստանի հավաքականի մամուլի ծառայությունը ներկայացրել է այն համազգեստները, որոնցով հավաքականը կմասնակցի աշխարհի IV դիվիզիոնի առաջնությանը։
Հավաքականի հիմնական համազգեստը սպիտակ է, պահեստայինը` կապույտ։ Թևքերին և գուլպաներին պատկերված է հայկական եռագույնը, իսկ համազգեստի կենտրոնում` Հայաստանի Հանրապետության պետական զինանշանը։
Աշխարհի IV դիվիզիոնի առաջնությունը կկայանա Երևանի գեղասահքի և տափօղակով հոկեյի մանկապատանեկան մարզադպրոցում։
Առաջնությունում տեղի կուեննա 15 հանդիպում, որոնց կմասնակցեն Հայաստանի, Իրանի Իսլամական Հանրապետության, Քուվեյթի, Մալայզիայի, Ինդոնեզիայի և Ուզբեկստանի հավաքականները։ Հայաստանի թիմը նախորդ անգամ նման ստուգատեսի մասնակցել է 2010 թվականին։
Աշխարհի IV դիվիզիոնի առաջնության հանդիպումները կցուցադրվեն «Ֆասթ Մեդիա»-ի հեռուստաալիքներով ու Fast TV հավելվածում (iOS, Android)։
