Ավստրալական Հոբարթում շարունակվող WTA 250 կարգի մրցաշարում Հայաստանի ներկայացուցիչ Էլինա Ավանեսյանը չի կարողացել հաղթահարել կիսաեզրափակիչի արգելքը:
Աշխարհի 44-րդ ռակետը 3 սեթում 6-4, 3-6, 4-6 հաշվով պարտվել է ամերիկուհի Մաքարթնի Քեսլերին (67-րդ ռակետ): Մրցախաղը տևել է 2 ժամ 4 րոպե:
Հիշեցնենք, որ «Մեծ սաղավարտի» տարվա առաջին մրցաշար Australian Open-ի առաջին փուլում Էլինա Ավանեսյանը հունվարի 12-ին կմրցի Ղազախստանի ներկայացուցիչ Յուլյա Պուտինցևայի հետ (25-րդ ռակետ):