Գյումրեցի պաշտպան Հրայր Մկոյանը հեռացել է Fastex Հայաստանի Պրեմիեր լիգան ներկայացնող Երևանի «Արարատից»:
«Փորձառու պաշտպան Հրայր Մկոյանն ավարտում է իր ելույթներն «Արարատի» կազմում: Ավարտվել է ֆուտբոլիստի և ակումբի միջև պայմանագրի ժամկետը:
«Արարատ» ֆուտբոլային ակումբը շնորհակալություն է հայտնում Հրայր Մկոյանին կատարած աշխատանքի, պրոֆեսիոնալիզմի և նվիրման համար ու հաջողություններ է մաղթում հետագա կարիերայում»,- ասվում է ակումբի պաշտոնական հայտարարության մեջ:
Հիշեցնենք, որ 36-ամյա ֆուտբոլիստը 2020 թվականից էր խաղում երևանյան ակումբում։ Հայաստանի ազգային հավաքականի կազմում Մկոյանը մասնակցել է 52 խաղի ու դարձել մեկ գոլի հեղինակ։
Լուսանկարը՝ «Արարատի» մամուլի ծառայություն:
