YouTube-ի ալիքում Apple TV-ն հրապարակել է հարավկորեական հեռուստասերիալի թրեյլերը՝ «Dr. Brain», թրիլլերի տարրերով:

Շարքը պատմում է ուղեղի ուսումնասիրության մեջ մասնագիտացած փայլուն գիտնական Սևոնի մասին։ Այն բանից հետո, երբ նրա ընտանիքը դառնում է առեղծվածային միջադեպի զոհ, գլխավոր հերոսը պատրաստ է ամեն ինչի դիմել այս ողբերգական առեղծվածը բացահայտելու համար: Դա անելու համար նա սկսում է սինխրոնիզացնել իր ուղեղը մահացածների հետ, որպեսզի կարողանա մուտք գործել նրանց հիշողությունները և գտնել հետքեր:

Թրիլլերում գլխավոր դերը խաղում է Լի Սունգ Կյունը, ով համաշխարհային հռչակ է ձեռք բերել օսկարակիր Բոնգ Ջուն Հոյի «Մակաբույծները» (2019) ֆիլմում նկարահանվելուց հետո:

Վեց դրվագից բաղկացած սերիալը կորեերեն լեզվով առաջին շոուն է, որը մշակվել է Apple TV+-ի կողմից: Նախագծի ռեժիսորը Կիմ Ջի Վունն է, ով համարվում է իր երկրի առաջատար կինոգործիչներից մեկը։ Նա նկարահանել է այնպիսի ֆիլմեր, ինչպիսիք են «Գաղտնի գործակալը» (2016թ.), «Ես տեսա սատանային» (2010թ.), «Դառնություն և քաղցրություն» (2005թ.) և այլն:

Doctor Brain-ի պրեմիերան կկայանա Apple TV+ հեռուստաալիքով` նոյեմբերի 4-ին: