Հայաստանի ազգային հավաքականի հարձակվող Հրանտ-Լեոն Ռանոսը Մյոնխենգլադբախի «Բորուսիայի» երկրորդ թիմի կազմում անցկացրած նախորդ հանդիպման ժամանակ կոճի վնասվածք է ստացել, հայտնում է ակումբի մամուլի ծառայությունը:
20-ամյա ֆուռբոլիստը խաղադաշտից կբացակայի առնվազն մեկ շաբաթ։ Վերականգնման վերջնական ժամկետը դեռևս հայտնի չէ, սակայն գերմանական ակումբի երկրորդ թիմի գլխավոր մարզիչը հույս ունի, որ Ռանոսը դեռ ժամանակ կունենա օգնելու «Բորուսիա-2»-ին:
Ընթացիկ մրցաշրջանի վերջնահատվածը հայ հարձակվողը կանցկացնի «Բորուսիա-2»-ում, որպեսզի օգնի թիմին պահպանել տեղը Գերմանիայի Արևմտյան Ռեգիոնալ լիգայում:
Ռանոսն ընթացիկ մրցաշրջանում 9 հանդիպման է մասնակցել «Բորուսիա-2»-ի կազմում, դարձել երեք գոլի և չորս ասիստի հեղինակ: «Բորուսիա-2»-ը 30 միավորով 14-րդն է 18 թիմերի պայքարում:
