Մյոնխենգլադբախի «Բորուսիայի» և Ավստրիայի հավաքականի պաշտպան Շտեֆան Լայները հաղթահարել է քաղցկեղը, հաղորդում է ակումբի մամուլի ծառայությունը։
Այս տարվա ամռանը 31-ամյա ֆուտբոլիստի օրգանիզմում հայտնաբերվել էր լիմֆոմա (արյան ուռուցքների խումբ)։ Այն հաջողվել է բուժել, քանի որ հիվանդությունը հայտնաբերվել էր վաղ փուլում։ Բուժման կուրսն արդեն ավարտվել է։
Սպասվում է, որ այս շաբաթվա ընթացքում Լայները կմիանա «Բորուսիայի» մարզումներին։
Հիշեցնենք, որ Շտեֆան Լայները 2019 թվականից է խաղում գերմանական ակումբում, որի կազմում ելույթ է ունենում նաև Հայաստանի հավաքականի հարձակվող Հրանտ-Լեոն Ռանոսը։
