Երևանի հեծանվահրապարակում հոկտեմբերի 10-13-ը կայացել է հեծանվասպորտի Հայաստանի առաջնությունը: Տարբեր տարիքային խմբերում խաղարկվել են մեդալներ 18 մրցաձևում:
Հայաստանի չեմպիոն են դարձել Վահե Վիրաբյանը, Արթուր Վալեջյանը, Անի Ավագյանը, Էդուարդ Գրիգորյանը, Սվետլանա Մկրտչյանը և Հարություն Իսրայելյանը։ Նրանցից շատերը դարձել են բազմակի չեմպիոններ:
Չեմպիոններն ու մեդալակիրները պարգևատրվել են մեդալներով և դիպլոմներով, ինչպես նաև դրամական պարգևներով: Նրանց պարգևատրել են ԿԳՄՍ փոխնախարար Կարեն Գիլոյանը և Հայաստանի հեծանվասպորտի ֆեդերացիայի նախագահ Արա Սադոյանը:
