«Ինտերի» ամբողջ անձնակազմը Սկուդետոն նվաճելու կապակցությամբ մայիսի 17-ին հյուրընկալվել է Միլանի քաղաքապետարան (տեսանյութ), հայտնում է ակումբի մամուլի ծառայությունը:
Միլանի քաղաքապետ Ջուզեպե Սալան մագաղաթներ և ոսկե մեդալներ է հանձնել «Ինտերի» ֆուտբոլիստներին, մարզչական շտաբին և ղեկավարությանը:
«Ինտերը» 20-րդ անգամ է դարձել Իտալիայի Ա սերիայի չեմպիոն: Նախորդ անգամ տիտղոսը նվաճել էր 2020/2021 մրցաշրջանում:
Հիշեցնենք, որ «Ինտերում» է հանդես գալիս Հայաստանի ազգային հավաքականի նախկին ավագ Հենրիխ Մխիթարյանը:
