«Լիվերպուլը» պատրաստվում է թիմի նոր գլխավոր մարզիչ նշանակել Արնե Սլոտին: Ինսայդեր Ֆաբրիցիո Ռոմանոն գրում է, որ անգլիական ակումբը Ռոտերդամի «Ֆեյենորդի» հետ համաձայնության է հասել մարզչի տրանսֆերի հարցում:
Ակումբներն արդեն ստորագրել են բոլոր փաստաթղթերը, ռոտերդամիցները ստանալու են 13-15 միլիոն եվրո:
Հոլանդացի մասնագետի նշանակման մասին մերսիսայդցիները հայտարարելու են այս շաբաթվա ընթացքում:
Սլոտը փոխարինելու է գերմանացի Յուրգեն Կլոպին, որը «Լիվերպուլը» մարզում էր 2015 թվականից:
