ՈՒԵՖԱ-ն հրապարակել է 2024 թվականի Եվրոպայի Սուպերգավաթի անցկացման վայրը։ Չեմպիոնների լիգայի և Եվրոպա լիգայի 2023/24 մրցաշրջանի հաղթողները որոշիչ հանդիպումը կանցկացնեն Լեհաստանի մայրաքաղաք Վարշավայի «Ազգային» ստադիոնում։

Այս տարի ՈՒԵՖԱ-ի Սուպերգավաթի հանդիպումը տեղի ունեցավ Հունաստանի Պիրեյ քաղաքի «Կարաիսկակիս» ստադիոնում, որտեղ Չեմպիոնների լիգայի գործող գավաթակիր «Մանչեսթեր Սիթին» հետխաղյա 11-մետրանոց հարվածաշարի արդյունքում հաղթեց Եվրոպա լիգայի գործող գավաթակիր «Սևիլիային»։

Հիշեցնենք, որ 2023/24 մրցաշրջանի Չեմպիոնների լիգայի եզրափակիչը կայանալու է Լոնդոնի «Ուեմբլի» ստադիոնում, իսկ Եվրոպա լիգայի եզրափակիչը ընդունելու է Դուբլինի «Ավիվա» ստադիոնը։