«Բավարիան» ու Ալֆոնսո Դևիսը նոր պայմանագիր չեն կնքել, քանի որ կանադացին պահանջել է տարեկան 20 միլիոն եվրո աշխատավարձ ու պատկառելի հավելավճարներ, հայտնում է Sky Sports Germany-ն:
Ըստ կողմերի միջև նախորդ համաձայնության՝ պայմանագիր կնքելու դեպքում Դևիսը պետք է ստանար 14-15 միլիոն եվրո, բայց բանակցությունների եզրափակիչ հատվածում պաշտպանի գործակալը նոր պահանջներ է ներկայացրել, որոնք մերժվել են մյունխենյան ակումբի կողմից:
Դևիսի ծառայություններով լրջորեն հետաքրքրված է Մադրիդի «Ռեալը», որը պատրաստվում է բարելավել առաջարկը:
24-ամյա պաշտպանը Բունդեսլիգայի այս մրցաշրջանում 15 խաղում խփել է 1 գոլ ու կատարել է 3 գոլային փոխանցում:
