Կիսապաշտպան Նաբիլ Ֆեկիրը 2019 թվականին «Լիոնից» «Բետիս» է տեղափոխվել ֆրանսիական ակումբի ղեկավարության խնդրանքը չկատարելու համար։ «Լիոնում» ֆրանսիացուն խնդրել են սափրել մորուքը։

Ակումբում չեն ցանկացել, որ Ֆեկիրի մորուքը զուգորդվի իսլամի հետ՝ հաղորդում է A Bola-ն։ Ֆուտբոլիստին դուր չի եկել այդ խնդրանքը, ինչն էլ հանգեցրել է նրա՝ ակումբից հեռանալուն։

Ընթացիկ մրցաշրջանում Ֆեկիրը «Բետիսի» կազմում անցկացրած 20 խաղում դարձել է 4 գոլի ու 6 գոլային փոխանցման հեղինակ։