Բիատլոնիստ Դորոտեյա Վիրերը կարիերան շարունակելու է մինչև 2026 թվականի ձմեռային Օլիմպիական խաղերի ավարտը: Այդ մասին իտալացի մարզուհին հայտնել է հատուկ հրավիրված ասուլիսի ժամանակ:
«Մրցաշրջանի ավարտից հետո ես 2-ամսյա ընդմիջում վերցրեցի, որպեսզի վերականգնվեմ: Դա օգնեց ինձ որոշում կայացնել: Ես հասկացա, որ ցավալի կլինի կարիերաս վատ արդյունքով ավարտել, այդ պատճառով 2 տարի շարունակելու եմ ելույթներս: Ամեն ինչ անելու եմ Օլիմպիական խաղերում հաջողության հասնելու համար»,- ասել է Դորոտեյա Վիրերը:
Ավարտված մրցաշրջանում 34-ամյա Վիրերը գրավել է 40-րդ տեղը: Իտալուհին 4 անգամ դարձել է աշխարհի չեմպիոն, 2 անգամ նվաճել է աշխարհի գավաթը և 3 անգամ դարձել է Օլիմպիական խաղերի բրոնզե մեդալակիր:
Հիշեցնենք, որ 2026 թվականին ձմեռային Օլիմպիական խաղերը կայանալու են Միլանում և Կորտինե դ՛Ամպեցոյում:
