Սերժ Դեբլեն կրկին հայտնվել է հայկական ակումբների ուշադրության կենտրոնում: Meta-ratings.kz-ն գրում է, որ 34-ամյա հարձակվողի տրանսֆերի համար են պայքարում հայկական առաջատար ակումբները, ինչպես նաև ղազախական մի քանի թիմեր:
Կոտդիվուարցի հարձակվողը 2022-ից խաղում էր «Տոբոլի» կազմում, որի հետ պայմանագրի ժամկետը ավարտվել է և նա ազատ գործակալի կարգավիճակ է ստացել: Աղբյուրը գրում է, որ հարձակվողը ցանկանում է ելույթները շարունակել Ղազախստանում: Այդ երկրում նա ամսական ստանում էր մոտավորապես 20 հազար եվրո:
Հայաստանում Դեբլեն խաղացել է «Շիրակում», «Արարատում» և «Փյունիկում»: Հայկական ակումբների կազմում հարձակվողը մասնակցել է 65 խաղի, դարձել է 39 գոլի և 19 գոլային փոխանցման հեղինակ:
