Հայաստանի ներկայացուցիչ Վալերիկ Մովսիսյանը (89 կգ) արծաթե մեդալակիր է դարձել Պերուի մայրաքաղաք Լիմայում ավարտին մոտեցող ծանրամարտի մինչև 17 տարեկանների աշխարհի առաջնությունում:
Հայ ծանրորդը երկամարտում գրանցել է 329 կգ (153+176) արդյունք, 4 կգ է զիջել չեմպիոն դարձած ղազախ Սաբիր Նուրդուսին։
Մովսիսյանը պոկում վարժությունում դարձել է ոսկե մեդալակիր, իսկ հրում վարժությունում բավարարվել է բրոնզե մեդալով:
Սա Հայաստանի հավաքականի երկրորդ մեդալն է Մ17 ԱԱ-ում, ավելի վաղ փոխչեմպիոն էր դարձել նաև Հովհաննես Հովհաննիսյանը (61 կգ):
