Հայաստանն առաջին մեդալն է նվաճել Մոլդովայի մայրաքաղաք Քիշնևում մեկնարկած ծանրամարտի Եվրոպայի պատանեկան (Մ15, Մ17) առաջնությունում:
Մինչև 17 տարեկանների պայքարում Կառլեն Դավթյանը (49 կգ) երկամարտի 181 կգ (80+101) արդյունքով դարձել է բրոնզե մեդալակիր: Դավթյանը փոքր բրոնզե մեդալ է նվաճել պոկում վարժությունում:
Նույն քաշային կարգում Վոլոդյա Սարգսյանը երկամարտի կրկին 181 կգ (79+102) արդյունքով գրավել է չորրորդ տեղը: Սարգսյանը հրում վարժությունում նվաճել է փոքր բրոնզե մեդալ:
