Թեքբոլի Հայաստանի հավաքականն առաջին անգամ կմասնակցի Եվրոպական խաղերին:
«Թեքբոլի Հայաստանի ազգային հավաքականը, մասնակցելով Եվրոպական խաղերի որակավորման չորս մրցաշարերից երեքին, ցույց տալով հիանալի արդյունքներ, պատմության մեջ առաջին անգամ իրավունք է ստացել մասնակցելու Եվրոպական երրորդ խաղերին:
Հատուկ շնորհակալություն ենք հայտնում Հայաստանի Օլիմպիական կոմիտեին` այս ընթացքում հավաքականին աջակցելու, ինչպես նաև Vbet, Fastex և Ucraft ընկերություններին` Հայաստանի թեքբոլի ֆեդերացիային մշտապես աջակցելու և ՀՀ-ում թեքբոլ մարզաձևը նման մակարդակի հասցնելու համար։
Հավաքականի վերջնական կազմի և պատվիրակության անդամների մասին կտեղեկացնենք ավելի ուշ»,- նշված է Հայաստանի թեքբոլի ֆեդերացիայի հաղորդագրության մեջ:
Հիշեցնենք, որ Եվրոպական երրորդ խաղերը կկայանան 2023 թվականի հունիսի 21-ից հուլիսի 2-ը Լեհաստանի Կրակով քաղաքում:
