Բասկետբոլի աղջիկների Հայաստանի մինչև 16 տարեկանների հավաքականն Անդորրայում ընթացող Եվրոպայի առաջնության C դիվիզիոնի A ենթախմբի երկրորդ տուրում 46-62 հաշվով պարտվել է Մալթայի թիմին:

Հայաստանի հավաքականի կազմում դաբլ-դաբլի հեղինակ է դարձել Սեդա Գաբրիելյանը, որը վաստակել է 19 միավոր և գրանցել 10 ռեբաունդ: Գաբրիելյանը նաև կատարել է 6 ասիստ:

Հիշեցնենք, որ Հայաստանի հավաքականն առաջին տուրում 99-36 հաշվով հաղթել էր Ջիբրալթարի թիմին: Հայաստանի թիմը հուլիսի 20-ին վերջին՝ երրորդ տուրում կմրցի Վրաստանի հավաքականի հետ: