Հայաստանի ազգային հավաքականը 1 նիշով նահանջել է ՖԻՖԱ-ի՝ սեպտեմբերի 21-ին թարմացված դասակարգման աղյուսակում:
Ալեքսանդր Պետրակովի գլխավորած թիմը զբաղեցնում է 91-րդ տեղը: Նախորդ թարմացմամբ՝ Հայաստանի հավաքականն 90-րդն էր:
Հայաստանի թիմն ունի 1254,47 վարկանիշային միավոր: Նախորդ թարմացման համեմատ՝ վարկանիշային միավորներն ավելացել են 1,87-ով:
Առաջատարների տասնյակը շարունակում է գլխավորել աշխարհի չեմպիոն Արգենտինայի հավաքականը, որին համապատասխանաբար հաջորդում են Ֆրանսիայի, Բրազիլիայի, Անգլիայի, Բելգիայի, Խորվաթիայի, Նիդերլանդների, Պորտուգալիայի, Իտալիայի ու Իսպանիայի հավաքականները: Գերմանիայի հավաքականը դիրքը չի փոխել ու շարունակում է մնալ 15-րդ տեղում:
