Ֆուտբոլի Հայաստանի ազգային հավաքականն առաջին մարզումն է անցկացրել Հյուսիսային Մակեդոնիայում, հաղորդում է Հայաստանի ֆուտբոլի ֆեդերացիան:
Հոկտեմբերի 16-ին Ալեքսանդր Պետրակովի գլխավորած թիմը Սկոպյեից կմեկնի Ստրումիցա, որտեղ կանցկացնի նախախաղային մարզում:
Հիշեցնենք, որ հոկտեմբերի 17-ին Հայաստանի հավաքականն ընկերական խաղ կանցկացնի Հյուսիսային Մակեդոնիայի թիմի հետ:
Հայաստանի ազգային թիմը Հյուսիսային Մակեդոնիա է մեկնել 21 ֆուտբոլիստով. Լուկաս Սելարայանն ու Նորբերտո Բալեկյանը, պայմանավորվածության համաձայն, միացել են իրենց ակումբներին:
