Ֆուտբոլի Հայաստանի հավաքականի գլխավոր մարզիչ Ալեքսանդր Պետրակովը հրապարակել է թիմի վերջնական հայտացուցակը Խորվաթիայի հավաքականի դեմ Եվրո-2024-ի որակավորման մրցաշարի վերջին տուրի խաղում: Հայտացուցակում տեղ են գտել Զագրեբ մեկնած բոլոր՝ 23 ֆուտբոլիստները։

Խորվաթիա - Հայաստան խաղը կկայանա նոյեմբերի 21-ին Զագրեբի «Մաքսիմիր» ստադիոնում, կմեկնարկի Երևանի ժամանակով 23։45-ին ու կցուցադրվի Ֆասթ Սպորտի ուղիղ եթերում։ Հայաստանի հավաքականը կորցրել է Եվրոպայի առաջնության եզրափակիչ փուլի ուղեգիր նվաճելու շանսերը: