«Ալաշկերտի» հարձակողական ոճի կիսապաշտպան Դավիդ Դավիդյանը տեղափոխվել է «Խիմկի»: Այդ մասին հաղորդում է ռուսական ակումբի մամուլի ծառայությունը:
Հայ ֆուտբոլիստը նախքան «Ալաշկերտին» միանալը» ելույթ է ունեցել նաև «Արարատ-Արմենիայում» ու «Արարատում»: «Արարատ-Արմենիայի» և «Ալաշկերտի» ֆուտբոլիստի կարգավիճակում մեկական անգամ դարձել է Հայաստանի չեմպիոն:
Դավիդյանն «Ալաշկերտի» կազմում մասնակցել է Չեմպիոնների լիգայի գավաթի ընթացիկ խաղարկության որակավորման 1-ին ու 2-րդ փուլերի ընդհանուր 4 հանդիպման:
23-ամյա ֆուտբոլիստը հունիսյան ընկերական խաղերի համար հրավիրվել էր Հայաստանի ազգային հավաքական, սակայն վնասվածքի պատճառով չէր միացել Խոակին Կապառոսի գլխավորած թիմին:
«Խիմկին» Ռուսաստանի Պրեմիեր լիգայի նոր մեկնարկած առաջնության 2 հանդիպումից հետո վաստակել է 3 միավոր: Թիմը նախորդ առաջնությունում 16 թիմի պայքարում զբաղեցրել է 8-րդ հորիզոնականը: «Խիմկիում» է ելույթ ունենում նաև Հայաստանի հավաքականի հարձակողական ոճի կիսապաշտպան Արշակ Կորյանը:
ՖԻՖԱ-ն գերխոշոր տուգանքի է ենթարկել «Լոռի ՖԱ»-ին. պարզաբանում են ակումբն ու ՀՖՖ-ն
