Ուկրաինացի մասնագետ Ալեքսանդր Պետրակովը ներկայացրել է ֆուտբոլի Հայաստանի ազգային հավաքականի հայտացուցակն առաջիկա ընկերական հանդիպումների համար:
Դարպասապահներ
Օգնյեն Չանչարևիչ - «Նոա»
Արսեն Բեգլարյան - «Արարատ-Արմենիա»
Ստանիսլավ Բուչնև - «Փյունիկ»
Պաշտպաններ
Վարազդատ Հարոյան - «Ցինդաո Ուեստ Քոսթ» (Չինաստան)
Նաիր Թիկնիզյան - «Լոկոմոտիվ» (Մոսկվա, Ռուսաստան)
Ստյոպա Մկրտչյան - «Օսիեկ» (Խորվաթիա)
Կամո Հովհաննիսյան - «Արարատ-Արմենիա»
Գեորգի Հարությունյան - «Կրասնոդար» (Ռուսաստան)
Անդրանիկ Հակոբյան - «Վալենսիա Մ19» (Իսպանիա)
Դավիդ Դավիդյան - «Փյունիկ»
Էրիկ Սիմոնյան - «Ուրարտու»
Սերգեյ Մուրադյան - «Նոա»
Էդգար Գրիգորյան - «Արարատ-Արմենիա»
Կիսապաշտպաններ
Էդուարդ Սպերցյան - «Կրասնոդար» (Ռուսաստան)
Տիգրան Ավանեսյան - «Բալթիկա» (Ռուսաստան)
Էդգար Սևիկյան - «Ֆերենցվարոշ» (Հունգարիա)
Վահան Բիչախչյան - «Պոգոն» (Լեհաստան)
Արտակ Դաշյան - «Փյունիկ»
Հովհաննես Հարությունյան - «Փյունիկ»
Սոլոմոն Ուդո - «Փյունիկ»
Հարձակվողներ
Գևորգ Տարախչյան - «Ուրարտու»
Ժիրայր Շաղոյան - «Արարատ-Արմենիա»
Արթուր Սերոբյան - «Արարատ-Արմենիա»
Գոռ Մանվելյան - «Նոա»
Արթուր Միրանյան – «Նոա»
Վնասվածքների պատճառով հավաքական չեն հրավիրվել Հրանտ-Լեոն Ռանոսը, Անդրե Կալիզիրը, Նարեկ Գրիգորյանը և Ուգոչուկվու Իվուն:
Հավաքականին չի միանա նաև Լուկաս Սելարայանը: «Ալ Ֆաթեհի» ֆուտբոլիստն անձնագրի հետ կապված խնդիրներ ունի և պետք է մեկնի Արգենտինա: Հրավեր է ստացել նաև Սարգիս Ադամյանը, բայց մարզչական շտաբին տեղյակ է պահել, որ չի կարող միանալ թիմին, քանի որ երկրորդ Բունդեսլիգայի նախապատրաստական շրջանն ավելի շուտ է սկսվում և իրեն հանգիստ է հարկավոր:
Նորբերտո Բրիասկո-Բալեկյանի «Բոկա Խունիորսը» հանդիպում ունի հունիսի 2-ին, իսկ ընկերական խաղերի համար նախատեսված պատուհանը բացվում է հունիսի 3-ին, հետևաբար, հարձակվողը բաց կթողնի հավաքականի առաջիկա հանդիպումները:
«Առաջիկա ընկերական խաղերը լավ հնարավորություն են փորձարկելու երիտասարդ ֆուտբոլիստների շատ լավ թիմերի դեմ խաղերում: Հենց այդ նպատակով են հավաքական հրավիրվել Գևորգ Տարախչյանը, Էրիկ Սիմոնյանը, Անդրանիկ Հակոբյանը և Գոռ Մանվելյանը:Կրկին թիմ են հրավիրվել նաև մյուս երիտասարդները՝ Տիգրան Ավանեսյանը և Սերգեյ Մուրադյանը»,- 66-ամյա մասնագետի խոսքը մեջբերում է ՀՖՖ մամուլի ծառայությունը:
Հայաստանի ազգային հավաքականը նախապատրաստական փուլը կսկսի մայիսի 27-ին ՀՖՖ Տեխնիկական կենտրոն/Ֆուտբոլի ակադեմիայում:
