Չարենցավանի «Վանը» Հայաստանի գավաթի խաղարկության 1/8 եզրափակիչում արտագնա խաղում 3-0 հաշվով հաղթել է Գյումրիի «Շիրակին»։
Վահե Գևորգյանի գլխավորած թիմից դուբլ է գրանցել գվինեացի հարձակցող Մոմո Տուրեն։ 22-ամյա ֆուտբոլիստը 2024/25 մրցաշրջանում բոլոր մրցաշարերում 8 խաղում խփել է 7 գոլ։ Հյուրերից մեկ անգամ էլ աչքի է ընկել նիգերիացի վինգեր Իզուչուկվու Օկոնկվոն։
«Վանը» պայքարը շարունակելու է քառորդ եզրափակիչում, որի զույգերը կորոշվեն վիճակահանությամբ։
Հիշեցնենք` ավելի վաղ 1/8 եզրափակիչում «Լեռնային Արցախը» 2-0 հաշվով առավելության էր հասել «Միկայի» նկատմամբ։
Հայաստանի գավաթ, 1/8 եզրափակիչ
«Շիրակ» - «Վան»` 0-3
Մոմո Տուրե, 15, 44, Իզուչուկվու Օկոնկվո, 63
Հեռացում` Համլետ Մնացականյան, 77 («Շիրակ»)
