«Ֆասթ Սպորտ» հեռուստաալիքի ուղիղ եթերում անցկացվեց ֆուտբոլի Հայաստանի գավաթի խաղարկության կիսաեզրափակիչ փուլի վիճակահանությունը:

Հայաստանի գավաթի կիսաեզրափակիչի զույգերը

• «Փյունիկ» - «Արարատ-Արմենիա» (Առաջին խաղը տեղի կունենա «Փյունիկի» ստադիոնում)
• «Նոա» - «Վան» (Առաջին խաղը տեղի կունենա «Նոայի» ստադիոնում)

Կիսաեզրափակիչի առաջին խաղերը նախնական նշանակված են ապրիլի 15-ին և 16-ին, պատասխան մրցավեճերը` ապրիլի 28-ին ու 29-ին: Եզրափակիչը նախատեսվում է անցկացնել մայիսի 16-ին:

Հայաստանի գավաթի խաղերը հեռարձակվում են «Ֆասթ Մեդիա»-ի հեռուստաալիքներով և Fast TV հավելվածում (iOS, Android):

Հիշեցնենք, որ գործող գավաթակիրն «Արարատ-Արմենիան» է: