Հայաստանի գավաթի խաղարկության 1/8 եզրափակիչում «Անդրանիկը» 2-0 հաշվով առավելության հասավ ԲԿՄԱ-ի դեմ խաղում:
Արդեն առաջին խաղակեսում «Անդրանիկը» 2 գոլի առավելություն ստացավ: Դարպասի գրավմամբ աչքի ընկան Կաի Մորոզումին և Խուան Պալասիոսը, իսկ ԲԿՄԱ-ն խաղի 65-րդ րոպեից խաղում էր 10 հոգով. Ալեքսանդր Պետրոսյանը կարմիր քարտ ստացավ Սալի Տրաորեին հարվածելու համար:
«Անդրանիկը» քառորդ եզրափակիչում է, ԲԿՄԱ-ն դուրս է մնում պայքարից:
Հայաստանի գավաթ, 1/8 եզրափակիչ
«Անդրանիկ» - ԲԿՄԱ՝ 2-0
Կաի Մորոզումի, 9, Խուան Պալասիոս, 41
Հայաստանի գավաթի խաղարկության հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
