«Կիլիկիան» նվաճեց Հայաստանի գավաթի խաղարկության քառորդ եզրափակիչի ուղեգիր։ 1/8 եզրափակիչում սիրողական ակումբը 2-1 հաշվով հաղթեց Հայաստանի Առաջին խմբի ներկայացուցիչ «Միկային»։

«Կիլիկիայի» կազմում խաղի հաշիվը երկրորդ րոպեին բացեց Հայաստանի հավաքականի նախկին հարձակվող Ալեքսանդր Կարապետյանը։

Պատմության մեջ առաջին անգամ Հայաստանի գավաթի 1/4 եզրափակիչում կխաղա սիրողական ակումբ։

Հայաստանի գավաթ, 1/8 եզրափակիչ

«Միկա» - «Կիլիկիա»՝ 1-2 (տեսանյութ)

Անդրանիկ Կարապետյան, 13 – Ալեքսանդր Կարապետյան, 2, Հրաչյա Յարդումյան, 41

«Վան» - «Վեստ Արմենիա»

«Փյունիկ» - «Արարատ»

«Արարատ-Արմենիա» - «Գանձասար»

«Ալաշկերտ» - «Նոա»

 «Սյունիք» - ԲԿՄԱ

Հիշեցնենք, որ Հայաստանի գործող գավաթակիրը Երևանի «Ուրարտուն» է, որը նախորդ մրցաշրջանում նվաճել էր նաև երկրի չեմպիոնի կոչումը։ «Ուրարտուն» ու գավաթի նախորդ խաղարկության եզրափակիչի մասնակից Գյումրիի «Շիրակը» պայքարը կսկսեն 1/4 եզրափակիչից։