«Դինամո» մարզահամալիրում այսօր բռնցքամարտի Հայաստանի մեծահասակների առաջնության 2-րդ մրցումային օրն էր:
Առաջինը ռինգը տրամադրվեց մինչև 69 կգ քաշային կարգում հանդես եկող բռնցքամարտիկներին:
Արսեն Գրիգորյանին շնորհվեց հաղթանակ, քանի որ նրա մրցակիցը հրաժարվել էր պայքարից:
Հաջորդը 1/4 եզրափակիչի ուղեգրի համար մենամարտեցին Կարեն Մաշակարյանը ու Սերոժյա Հարությունյանը: Արդյունքում, Ենգիբարյանի մարզադպրոց սան Մաշակարյանը վստահ հաղթանակի հասավ:
Օրվա 3-րդ մենամարտը մրցավարների որոշմամբ կանգնեցվեց Արման Մկրտչյանի վնասվածքի պատճառով, ու բարձրացվեց Ժորա Համազարյանի ձեռքը:
Այնուհետև, Հայրիկ Նազարյանը առավելության հասավ Վահե Հաբեթյանի նկատմամբ:
Մինչև 75 կգ քաշայինների պայքարում տեղի ունեցավ 3 մենամարտ:
Ռաֆայել Հովհաննիսյանի հետ պայքարում Էրիկ Աբելյանը ավելի ուժեղ գտնվեց, ինչն էլ առաջացրեց Հովհաննիսյանի մարզիչների դժգոհությունը:
Պրոֆեսիոնալ ռինգում հանդես եկող Արման Դարչինյանը նույնպես մասնակցում է Հայաստանի առաջնությանը: Չնայած համավարակի պատճառով վանաձորցի մարզիկը տևական չէր մասնակցել որևէ մրցման, բայց մեկնարկային մենամարտում մեծ առավելությամբ հաղթեց Արմեն Ղազարյանին:
Օրվա եզրափակիչ մենամարտում Արսեն Պողոսյանը պարտության մատնեց Մելքոն Մելքոնյանին:
Ինչպես կրտսեր ու ավագ տարիքի առաջնությունները, մեծահասակների մրցաշարը նույնպես անցկացվում է VBET ընկերության աջակցությամբ ու ուղիղ եթերում հեռարձակվում է Vivaro News-ի յութուբյան ալիքում:
Ներկայացնում ենք նաև VNews-ի ֆոտոլրագրող Լիանա Մկրտչյանի լուսանկարները հերթական մրցումային օրվանից:
Մենամարտերի տեսագրությունը՝
- 33
