Ֆուտբոլի Հայաստանի ազգային հավաքականը մարտի 28-ին՝ Երևանի ժամանակով 19:00-ին, Վազգեն Սարգսյանի անվան «Հանրապետական» մարզադաշտում ընկերական հանդիպում կանցկացնի Կիպրոսի թիմի հետ:
ՀՖՖ մամուլի ծառայությունը հայտնում է, որ ընկերական հանդիպման տոմսերը կարելի է գնել առցանց՝ այստեղ, կամ այցելելով Վ. Սարգսյանի անվան «Հանրապետական» մարզադաշտի տոմսարկղ:
Տոմսերի արժեքներն են.
- Հյուսիսային և հարավային տրիբունաներ՝ 1000 դրամ,
- Արևելյան տրիբունա՝ 3000 և 4000 դրամ,
- Արևմտյան տրիբունա՝ 8000 դրամ:
Հիշեցնենք, որ Հայաստանի հավաքականն ուկրաինացի Ալեքսանդր Պետրակովի գլխավորությամբ առաջին խաղում Եվրո-2024-ի ընտրական փուլի մեկնարկային տուրում ընդունել էր Թուրքիայի թիմին և պարտվել 1-2 հաշվով:
