Ֆուտբոլի Հայաստանի ազգային հավաքականն ընկերական խաղում 2-1 հաշվով հաղթեց Ղազախստանի թիմին։

FastNews-ի ֆոտոթղթակից Գրիգոր Գրիգորյանը ներկա է եղել Վազգեն Սարգսյանի անվան «Հանրապետական» ստադիոնում կայացած հանդիպմանը և պատրաստել ֆոտոշարք։

Հիշեցնենք, որ Հայաստանի հավաքականն ընդհատեց 9 խաղից բաղկացած առանց հաղթանակների շարքը: Ալեքսանդր Պետրակովի թիմը նախորդ հաղթանակը տարել էր շուրջ մեկ տարի՝ 2023 թվականի հունիսի 19-ին Եվրո-2024-ի ընտրական փուլում 2-1 հաշվով հաղթելով Լատվիայի հավաքականին:

Հայաստանի հավաքականը հաջորդ հանդիպումը կանցկացնի Ազգերի լիգայի 2024/25 խաղարկությունում և սեպտեմբերի 7-ին կընդունի Լատվիային։ C լիգայի չորրորդ խմբում ընդգրկված են նաև Հյուսիսային Մակեդոնիայի ու Ֆարերյան կղզիների հավաքականները։