Ազգերի լիգայի խաղարկության C դիվիզիոնի չորրորդ խմբի 5-րդ տուրի Հայաստան - Ֆարերյան կղզիներ հանդիպումը կսպասարկեն հույն մրցավարները, հայտնում է ՀՖՖ պաշտոնական կայքը։
Հանդիպման գլխավոր մրցավար է նշանակվել Թասոս Սիդիրոպուլոսը, որին եզրերում կօգնեն Պոլիխրոնիս Կոստարասը և Լազարոս Դիմիտրիադիսը։ Չորրորդ պաշտոնյան լինելու է Յոանիս Պապադոպուլոսը։
Հիշեցնենք, որ Հայաստան - Ֆարերյան կղզիներ հանդիպումը կայանալու է նոյեմբերի 14-ին, մեկնարկելու է 21:00-ին և ցուցադրվելու է Fast Sports-ի ուղիղ եթերում։
