Հայ բռնցքամարտիկները երկու ոսկե ու մեկ բրոնզե մեդալ են նվաճել ուսանողական սպորտի աշխարհի առաջնությունում, հաղորդում է Հայաստանի բռնցքամարտի ֆեդերացիայի մամուլի ծառայությունը։ 

51 կգ քաշային Հայկ Ալաբերքյանը, չնայած վնասվածքին, եզրափակիչում 5-0 հաշվով հաղթել է ադրբեջանցի մարզիկին ու նվաճել ոսկե մեդալ։ Վստահ հաղթանակ է տարել նաև 57 կգ քաշային Ռուսլան Ասլիկյանը։ Եզրափակիչում նրա մրցակիցը ներկայացնում էր Վենեսուելան։ 

80 կգ քաշային կարգում Հայաստանի ներկայացուցիչ Համլետ Հարությունյանը նվաճել է բրոնզե մեդալ։