Հայաստանի հավաքականը երեք ոսկե մեդալ է նվաճել Ղազախստանում ընթացող պարաբազկամարտի աշխարհի առաջնությունում։ Աշխարհի չեմպիոն են դարձել Սարգիս Ստեփանյանը, Սարգիս Հարությունյանը և Նաիրա Մեսրոպյանը:
-80 կգ քաշայինների ձախ ձեռքով պայքարում ոսկե մեդալակիր է դարձել Սարգիս Ստեփանյանը, որը Հայաստանի հաշմանդամային սպորտի Ֆեդերացիայի նախագահն է։
-55 կգ քաշային կարգում ձախ ձեռքով հավասարը չի ունեցել Սարգիս Հարությունյանը։
Կանանց +65 կգ քաշային կարգում ձախ ձեռքով աշխարհի չեմպիոն է դարձել Նաիրա Մեսրոպյանը:
Օգոստոսի 31-ին բազկամարտիկները կպայքարեն աջ ձեռքով:
