Կանադայի Տորոնտո քաղաքում շարունակվում է շախմատի հավակնորդների մրցաշարը: Երրորդ տուրում հաղթել է միայն հնդիկ Ռամեշբաբու Պրագնանադհան, որն առավելության է հասել իր հայրենակից Սանտոշ Գուջրատի Վիդիտի նկատմամբ:
Ալիռեզա Ֆիրուջա (Ֆրանսիա) - Ֆաբիանո Կարուանա (ԱՄՆ), Գուկեշ Դոմարաջու (Հնդկաստան) - Յան Նեպոմնյաշչի (Ռուսաստան) և Նիջաթ Աբասով (Ադրբեջան) - Հիկարու Նակամուրա (ԱՄՆ) մրցախաղերում գրանցվել է ոչ-ոքի:
Կարուանան, Նեպոմնյաշչին և Գուկեշը երկուական միավորով գլխավորում են մրցաշարային աղյուսակը:
Հիշեցնենք, որ հավակնորդների մրցաշարի հաղթողն աշխարհի չեմպիոնի տիտղոսը կվիճարկի գործող չեմպիոն, չինացի Դին Լիրենի հետ:
