Անգլիացի հանրահայտ մարզիչ Հարի Ռեդնապն այժմյան «Մանչեսթեր Յունայթեդին» թյուրիմացություն է համարում:
«Չէի ասի, թե նրանք անտարբեր են, ես կասեի, որ նրանք թյուրիմացություն են: Անհավատալի է, թե որքան վատ տեսք ունի թիմը:
Ինձ դուր է գալիս Ռուբեն Ամորիմը, բայց նա հսկայական աշխատանք ունի կատարելու, իսկ դրա համար ահռելի ժամանակ է հարկավոր: Արդյոք այս թիմից որևէ մեկը կկարողանա՞ր հայտնվել Ալեքս Ֆերգյուսոնի մեծագույն «Յունայթեդի» մեկնարկային կազմում. միգուցե մի փոքր շանս ունենար Բրունու Ֆեռնանդեշը, իսկ մնացածն ընդհանրապես շանս չէին ունենա:
Հույս ունեմ, որ Ամորիմին անհրաժեշտ ժամանակ կտան թիմը վերակառուցելու համար»,- 77-ամյա մասնագետի խոսքը մեջբերում է talkSPORT-ը:
Ավելի վաղ «Մանչեսթեր Յունայթեդի» լեգենդ Ռիո Ֆերդինանդը հայտարարել էր, որ Ռուբեն Ամորիմը չի արդարացնում սպասելիքները:
