Մյունխենի «Բավարիայի» նորեկ Հարի Քեյնը Դորտմունդի «Բորուսիայի» դեմ Գերմանիայի Բունդեսլիգայի 10-րդ տուրի խաղում հեթ-տրիկի հեղինակ դառնալու շնորհիվ սահմանել է ռեկորդ, հաղորդում է Opta-ն։

Անգլիացի հարձակվողը պատմության մեջ առաջին ֆուտբոլիստն է, որը Գերմանիայի առաջնության մեկնարկային 10 հանդիպումներում խփում է 15 գոլ։

Այդ ցուցանիշով նախորդ ռեկորդակիրն էր Կլաուս Մատիշկան, որը 1963/64 մրցաշրջանում Գելզենկիրխենի «Շալկեի» կազմում 13 գոլի հեղինակ էր դարձել առաջին 10 տուրում։