Անգլիայի հավաքականի և «Բավարիայի» հարձակվող Հարի Քեյնը մյունխենյան ակումբի կազմում բոլոր մրցաշարերում 40 գոլի սահմանը հատելու դեպքում կստանա 250.000 եվրո պարգևավճար, հայտնում է գերմանական BILD պարբերականը:
30-ամյա ֆուտբոլիստն անցկացրած 16 խաղում խփել է 21 գոլ և կատարել 7 ասիստ:
Բունդեսլիգայում Քեյնը դարձել է երեք հեթ-տրիկի ու երկու դուբլի հեղինակ և 17 գոլով գլխավորում է ռմբարկուների ցուցակը: Նախորդ մրցաշրջանի լավագույն ռմբարկուներ Քրիստոֆեր Նկունկուն և Նիկլաս Ֆյուլկրուգը աչքի էին ընկել 16-ական անգամ:
Մյունխենյան ակումբում անգլիացին վաստակում է շաբաթական 480.000 եվրո:
