Չեմպիոնների լիգայի հաղթող ՊՍԺ-ի մարոկկացի պաշտպան Աշրաֆ Հաքիմին կարծում է, որ ինքը պետք է ստանա աշխարհի լավագույն ֆուտբոլիստին տրվող «Ոսկե գնդակ» մրցանակը, հաղորդում է Canal Plus-ը:
«Շատ քիչ պաշտպաններ կան, որոնք կարող են պարծենալ Չեմպիոնների լիգայի քառորդ եզրափակիչում, կիսաեզրափակիչում և եզրափակիչում խփած գոլով։ Մարդիկ կարծում են, որ ես հարձակվող կամ կիսապաշտպան եմ, բայց ես խաղում եմ այն չորս ֆուտբոլիստների շարքում, որոնք ամենամոտն են իրենց դարպասին։ Նախ՝ ես պետք է մտածեմ պաշտպանության մասին։
Իմ վիճակագրությունը նման չէ պաշտպանի վիճակագրությանը։ Երբ պաշտպանը ցույց է տալիս նման վիճակագրություն, նա ավելի շատ է արժանի մրցանակին, քան հարձակվողը։ Կարծում եմ՝ ես արժանի եմ «Ոսկե գնդակը» ստանալուն»,- ասել է Ֆրանսիայի չեմպիոնի ֆուտբոլիստը:
«Ոսկե գնդակը» նվաճելու գլխավոր հավակնորդներից մեկը ՊՍԺ-ի ֆրանսիացի վինգեր Ուսման Դեմբելեն է:
