«Բարսելոնայի» գլխավոր մարզիչ Հանսի Ֆլիկը կատալոնական ակումբի ղեկին 44 խաղում տարել է 33 հաղթանակ և հաղթանակների տոկոսային հարաբերությամբ կրկնել է Տիտո Վիլանովայի ցուցանիշը, հայտնում է Opta-ն:
Գերմանացի մասնագետի օրոք կատալոնացիները հաղթել են խաղերի 75 տոկոսը: Տոկոսային հարաբերությամբ նույնքան հաղթանակ թիմը տարել է նաև Տիտո Վիլանովայի գլխավորությամբ:
«Բարսելոնան» գլխավորած այն մարզիչների շրջանում, որոնք թիմի ղեկին անցկացրել են առնվազն 10 խաղ, այս մասնագետներից լավ ցուցանիշ ունի միայն Լուիս Էնրիկեն՝ 76.24% հաղթանակ:
