Դորտմունդի «Բորուսիայի» գործադիր տնօրեն Հանս Յոախիմ Վատցկեն 2025-ին կհեռանա զբաղեցրած պաշտոնից, հայտնում է Sky Sport-ը:

«Ես չեմ պատրաստվում երկարաձգել պայմանագիրս և հաջորդ տարվա սեպտեմբերին կհեռանամ»,- հայտարարել է հանրահայտ ֆունկցիոները:

64-ամյա Վատցկեն ռուրյան ակումբի գործադիր տնօրենի պաշտոնը զբաղեցնում էր 2005-ից:

Գերմանացի մասնագետը կառավարման խորհրդի նախագահ Ռեյնհարդ Ռաուբալի և ֆինանսական տնօրեն Թոմաս Թրեսի հետ ժամանակին գերմանական գրանդին փրկել էր սնանկությունից: Վատցկեն օպտիմալացրել էր ակումբը, կտրուկ կրճատել էր ծախսերն ու հստակ ֆինանսական ծրագիր էր մշակել:

Հիշեցնենք, որ Վատցկեի կառավարման օրոք «Բորուսիան» 2 անգամ նվաճել է Գերմանիայի չեմպիոնի տիտղոսը, 3 անգամ տիրացել է երկրի գավաթին և հասել է Չեմպիոնների լիգայի եզրափակիչ: