Հայաստանի երիտասարդական հավաքականի նախկին պաշտպան Համլետ Ասոյանը հեռացել է Չարենցավանի «Վանից», հաղորդում է ակումբի մամուլի ծառայությունը։

Պայմանագիրը դադարեցվել է երկկողմ համաձայնությամբ։

28-ամյա ֆուտբոլիստը 2022թ․ ամռանն էր միացել «Վանին», որի կազմում մասնակցել է Հայաստանի ընթացիկ առաջնության 11 հանդիպման։

Կարիերայի ընթացքում Համլետ Ասոյանը խաղացել է նաև Կապանի «Գանձասարում», Երևանի «Արցախում», «Սևանում», «Լեռնային Արցախում» ու Բեյրութի «Հոմենենթմենում», ներկայացրել է Հայաստանի Մ17, Մ19 և Մ21 հավաքականները։