Շախմատի տղամարդկանց Հայաստանի հավաքականը երկրորդ անընդմեջ հաղթանակը տարավ Հունգարիայի մայրաքաղաք Բուդապեշտում ընթացող Համաշխարհային 45-րդ Օլիմպիադայում:
Երկրորդ տուրում Հայաստանի հավաքականը 3-1 հաշվով հաղթեց Անդորրայի թիմին: Հայկ Մարտիրոսյանը սպիտակ ֆիգուրներով, իսկ Կարեն Գրիգորյանը` սևերով հաղթեցին մրցակիցներին, Ռոբերտ Հովհաննիսյանը (սպտակներով) և Շանթ Սարգսյանն (սևերով) էլ ոչ-ոքի ավարտեցին իրենց պարտիաները:
Ի դեպ, Հայկ Մարտիրոսյանը 6 ժամ տևած պայքարում հաղթանակի հասավ:
Հիշեցնենք, որ առաջին տուրում Հայաստանի հավաքականը 4-0 հաշվով հաղթել էր Մալթային:
Բացի Հայաստանի հավաքականից, երկու տուրից հետո ևս 34 երկրի թիմ ունի 100-տոկոսանոց արդյունք:
Համաշխարհային Օլիմպիադիան անցկացվում է 11 մրցափուլով, կավարտվի սեպտեմբերի 22-ին: Սեպտեմբերի 17-ը հանգստյան օր է։
