Շախմատի տղամարդկանց Հայաստանի հավաքականը Հունգարիայի մայրաքաղաք Բուդապեշտում ավարտին մոտեցող Համաշխարհային 45-րդ Օլիմպիադայի 9-րդ մրցափուլում Գաբրիել Սարգսյանի շնորհիվ 2,5-1,5 հաշվով հաղթանակի հասավ Գերմանիայի թիմի նկատմամբ:
Սարգսյանը սպիտակ ֆիգուրներով հաղթեց Մաթիաս Բլյուբաումին: Հայկ Մարտիրոսյանը` սպիտակներով, Կարեն Գրիգորյանն ու Շանթ Սարգսյանը` սևերով, ոչ-ոքիներ գրանցեցին:
Արման Փաշիկյանի գլխավորած թիմը Համաշխարհային Օլիմպիադայի ավարտից երկու տուր առաջ 14 միավորով բաժանում է 5-9-րդ տեղերը: Առաջատարը Հնդկաստանի հավաքականն է, որը 17 միավոր ունի:
