Իսակ Հաջարը 2026 թվականից հանդես կգա «Ռեդ Բուլում», հայտնում է ավստրիական թիմի պաշտոնական կայքը։
Ֆրանսիացի պիլոտը կդառնա աշխարհի քառակի չեմպիոն Մաքս Ֆերստապենի թիմակիցը։ 2025թ. «Ռեդ Բուլում» հանդես եկած Յուկի Ցունոդան հաջորդ տարի կլինի թիմի պահեստային մրցարշավորդը։
21-ամյա Հաջարն ավարտվող տարում ներկայացնում էր «Ռեդ Բուլի» կոնցեռնին պատկանող իտալական «Ռեյսինգ Բուլզ» թիմը և 51 միավորով ընդհանուր հաշվարկում 10-րդ տեղում է։
2026 թվականին «Ռեյսինգ Բուլզի» մրցարշավորդները կլինեն նորզելանդացի Լիեմ Լոուսոնը և Մեծ Բրիտանիան ներկայացնող Արվիդ Լինդբլադը։
Կարդացեք նաև՝
Ֆորմուլա 1-ի մրցարշավները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մրցարշավները հեռարձակվում են Fast TV հավելվածում (iOS, Android):
